श्रीरामावतार पाठ

श्रीरामावतार सारे कष्ट से मुक्ति दिलाती है

श्रीरामावतार पाठ

भए प्रगट कृपाला दीनदयाला कौसल्या हितकारी।
हरषित महतारी मुनि मन हारी अद्भुत रूप बिचारी ॥

लोचन अभिरामा तनु घनस्यामा निज आयुध भुज चारी ।
भूषन बनमाला नयन बिसाला सोभासिंधु खरारी ॥

कह दुइ कर जोरी अस्तुति तोरी केहि विधि करौं अनंता ।
माया गुन ग्यानातीत अमाना बेद पुरान भनंता ॥

करुना सुखसागर सब गुन आगर जेहि गावहिं श्रुति संता ।
सो मम हित लागी जन अनुरागी भयउ प्रगट श्रीकंता ॥

ब्रह्मांड निकाया निर्मित माया रोम रोम प्रति बेद कहै।
मम उर सो बासी यह उपहासी सुनत धीर मति थिर न रहै ॥

उपजा जब ग्याना प्रभु मुसुकाना चरित बहुत बिधि कीन्ह चहै।
कहि कथा सुहाई मातु बुझाई जेहि प्रकार सुत प्रेम लहै ॥

माता पुनि बोली सो मति डोली तजहु तात यह रूपा ।
कीजै सिसुलीला अति प्रियसीला यह सुख परम अनूपा ॥

सुनि बचन सुजाना रोदन ठाना होइ बालक सुरभूपा ।
यह चरित जे गावहिं हरिपद पावहिं ते न परहिं भवकूपा ॥

***********

Bhe pragat krpaala deenadayaala kausalya hitakaaree.
Harashit mahataaree muni man haaree adbhut roop bichaaree .
Lochan abhiraama tanu ghanasyaama nij aayudh bhuj chaaree .
Bhooshan banamaala nayan bisaala sobhaasindhu kharaaree .
Kah dui kar joree astuti toree kehi vidhi karaun ananta .
Maaya gun gyaanaateet amaana bed puraan bhananta .
Karuna sukhasaagar sab gun aagar jehi gaavahin shruti santa .
So mam hit laagee jan anuraagee bhayu pragat shreekanta .
Brahmaand nikaaya nirmit maaya rom rom prati bed kahai.
Mam ur so baasee yah upahaasee sunat dheer mati thir na rahai .
Upaja jab gyaana prabhu musukaana charit bahut bidhi keenh chahai.
Kahi katha suhaee maatu bujhaee jehi prakaar sut prem lahai .
Maata puni bolee so mati dolee tajahu taat yah roopa .
Keejai sisuleela ati priyaseela yah sukh param anoopa .
Suni bachan sujaana rodan thaana hoi baalak surabhoopa .
Yah charit je gaavahin haripad paavahin te na parahin bhavakoopa .

www.sanatanshakti.in/